كلمات أغنية عايز أنام لمودي راب

=======




الكلمات


من زمان و انا عايز انام
عايز انام ... عايز انام


خلوني الأول أقول سلام
أقول سلام .. عايز انام




سلام.. أشوفكو علي خير يا جدعان
سلمولي علي اي حد يكون عارفني من زمان


الحياه بتكلم جد بقت زي المروحة اللي بمليون ريشه
كل يوم ريشة بتزيد و انا لسه ضارب التطنيشه


احلام كتير بتجيني تخلي الواحد مش عارف ينام
أصحي من عز احلي نومه لاتفه اسباب التوتر


اللي يخلي الواحد عايش جوه العالم الموازي
بين النوم و الصحيان لحظة الخيال الاساسي


احط راسي تحت اي مخده و ابطل كلام
و اسمع سيد مكاوي بيغني اجمل انسجام


في قلب راسي الام بركان دخان هذيان
بغض النظر عن غض النظر و الفكسان




النرجسية لون جديد من الالوان الطبيعيه
لو حاولت تغير فيها لازم ترجع هي هي


الانسانية الخيالية اللي بقت خلاص منسية
مش موضوع كلام الناس اللي باينة مش مدارية


من زمان و انا عايز انام
عايز انام ... عايز انام


خلوني الأول أقول سلام
أقول سلام .. عايز انام


انسان كسلان همدان>>> عاوز يخرج من الببان
طول مهو لسه جوه السجن قاعد يطرقع اللبان


لغز اللي اختفي و اللي بان .. الغاز كتير قديمة
متشغلش دماغ غير اللي عنده عاهه مستديمه


أنا بشوف صور كتير و ناس بتيجي علي بالي
خليني أسمع سمفونية لبتهوفن يا ابو الليالي


يا غالي ، ركز معاهم ، اي رابر تاني هيقولك
ركز معايا فكك منه و خليك سارح في خيالك


ارجع .. لما تكون ماشي بطريقة مش سليمة
اسمع .. افهم الفرق بين النقد و الشتيمة


يوووه..الراجل مل من الملل لما مللوا ..
لو لاموني ليلة ليه بلوم اللي لاموني هأو


.. ريشة في الجو .. أمنا الغولة
أساطير كتير كان أهمها أسطورة العو


بلاش تسألني عن معاني أي حرف من اللي فات
بالذات .. ما بين النوم و الصحيان .. مسافات




من زمان و انا عايز انام
عايز انام ... عايز انام


خلوني الأول أقول سلام
أقول سلام .. عايز انام


=============


كلمات محمد أسامه
اللحن مقتبس من أغنية
All i want

توزيع و رؤية موسيقية
محمد أسامه