نصائح لو خطيبك لا قدر الله عزمك على الاكل برة

    شاطر

    عاشق
    عضو متألق
    عضو متألق

    عدد المشاركات : 216
    تاريخ التسجيل : 22/11/2009
    عارضه الاحترام : 100%
    الموقع : كافيه المصرييـــــــــــــــــــــــــــــــــــن

    نصائح لو خطيبك لا قدر الله عزمك على الاكل برة

    مُساهمة من طرف عاشق في الخميس يوليو 29, 2010 7:39 am

    أختي العزيزة لو ربنا فك عقدتك واتخطبتي

    فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه

    إلى مثوااااه الأخير في قفص النسانيس

    قصدي قفص الزوجية السعيد



    أجمل ما في الخطوبة العزومات الرومانسية على أحلى محلات أكل فى البلد

    واللي عمرك ماهاتشويفها بعد الجواز

    المهم نصائحي لك عند أي عزومة مع خطيبك


    1-الأول لازم تعرفي إن الشوكة والسكينة بيتمسكوا من إيديهم

    من الطرف يعني مش من الوسط ولا م البوز زي الخنجر ولا من فوق طبعًا



    العيش أوعي تفضحينا وتقطعيه بسنانك ولا الرغيف نصين بأيدك وكل نص لقمة وتحشري أوعي

    العيش بيتقطع بالسكينة فى الطبق وبعدين تاخدي لقمة

    لقمة بالعافية قال يعني نفسك مسدودة

    اضغطي على أعصابك جدااا

    وبعدين لما تروَّحي إبقي حِفِّي زي مانتِ عايزه


    3- الشوووربة

    بند الشوربة ده مهم جدًاااا

    أبوس كعب رجلك الشوربة تتشرب من غير صوت خالص ومن غير ماتقعدي تنفخي فيها زى القهوجى اللى بينفخ فى حجر للزبون

    وطبعــاً عايزك تنسى تمامًاالسلطانية اللي بتقيميها على بقك ف البيت وتدلدقي على روحك

    بالمعلقه وبدون صوت

    سخنة ولعة برضه بدون صوت

    وتسيبي تلت الطبق ع الأقل مش تميليه عشان تلهطيها لآخر نقطة



    4- الرز

    طبعاً بيتاكل بالشوكة أوعي إيدك تتمد ع المعلقة وتغرفي من طبق الرز وتعبي

    إوعي

    الرز بالشوكة وكأنك بتبوسيه مش بتاكليه


    5- المكرونة

    الاسباكتي برضه بالشوكة تتلف على طرف الشوكة

    لحد ما تخلص وبعدين تحطيها فى بؤك من سكات

    مش تشفطي المكرونة عود عود


    6- السمك

    مشكلة

    شوفي

    بتفصلي اللحم عن الشوك ..إزاي؟؟

    تقطعي اللحم من النص بالطول وبعدين تفردي اللحم ع الجانبين ولما تخلصي ناحية

    متقلبيش السمكة.. بلاش فلح

    شيلي السلسلة بالشوكة والسكينة وحطيها ف جنب الطبق وكملي أكل النص التاني

    وبدل الفيلم الهندي ده

    نصيحة ماتكليش السمك خالص

    قولي مابحبش السمك وخلصي نفسك


    7- الجمبري

    -إذا كنتي عارفاه-

    أول ماطبق الجمبري ينزل.. بصيله بقرف واحتقار شديدين

    آل يعني زهقانة من كتر أكل الجمبري الجامبو ف بيت بابـا

    وأتنهدي جامد وقولي.. برضه؟؟؟

    وتروحي قاطعة راس الجمبريياية بالشوكة

    أنا فى عرضك إنسي المصمصة دلوقتى


    8- البطاطس سواء مسلوقة أو محمرة

    أوعي تهرسيها وتدبيها على الرز وتدي

    لا..لآ...لآ

    بالشوكة حتة حتة وإنتى زي ما تكوني هاتعيطي من كتر ما البطاطس صعبانة عليكي


    الفاكهة

    لو الفاكهة فيها بذر.. طلعيه من بؤك بالراحة وحطيه فى إيدك وهي مقفولة

    وبعدين فى طفاية السجاير اللي على الترابيزه

    أوعي ياحبيبتي من نظام التفتفة للبذر

    إنسي


    10- ولما تخلصي أكل تحطي إيدك على بطنك

    اللي عصافيرها بتصوصو من العينات اللي كلتيها.. وتقولي له مش ممكن

    أنا عمري ما اتفجعت كدة

    أنا أودامي أسبوعل هابطل أكل فيه


    وبعدين تمسكي الفوطة اللي دايمًا موجودة على التربيزة من غير لازمة

    وتبوسيها

    آل يعني بتمسحي بؤك

    وبعدين تستأذني منه لدخوول التوليت لإصلاح ماكياجك


    وتخشي التواليت وتطلعي من شنطة إيديك

    لفة الفول والطعمية اللي جايباها معاكي

    وبالهنا والشفـــا
    [center]
    avatar
    دموع الورد
    مؤسس المنتدى
    مؤسس المنتدى

    عدد المشاركات : 3170
    تاريخ التسجيل : 14/04/2010
    عارضه الاحترام : 100%
    الموقع : شعاع توب

    رد: نصائح لو خطيبك لا قدر الله عزمك على الاكل برة

    مُساهمة من طرف دموع الورد في الخميس يوليو 29, 2010 8:32 am




    [ندعوك للتسجيل في المنتدى أو التعريف بنفسك لمعاينة هذه الصورة]
    avatar
    سالي سوسو
    المراقب العام
    المراقب العام

    عدد المشاركات : 737
    تاريخ التسجيل : 17/06/2010
    عارضه الاحترام : 100%
    العمر : 28
    الموقع : http://ahalakalam.own0.com/forum

    رد: نصائح لو خطيبك لا قدر الله عزمك على الاكل برة

    مُساهمة من طرف سالي سوسو في الأحد سبتمبر 19, 2010 7:44 pm

    ههههههههههه حلوة
    avatar
    برنس الأحاسيس
    نائب المدير
    نائب المدير

    عدد المشاركات : 1976
    تاريخ التسجيل : 25/03/2010
    عارضه الاحترام : 100%
    العمر : 23
    الموقع : كافيه المصرييـــــــــــــــــــــــــــــــــــن

    رد: نصائح لو خطيبك لا قدر الله عزمك على الاكل برة

    مُساهمة من طرف برنس الأحاسيس في الإثنين سبتمبر 20, 2010 1:55 am

    على فكره كل واحد لو فكرت ابل متاكل مش هتاكل حاجه الاحسن يبى على طبيعته

      الوقت/التاريخ الآن هو الجمعة نوفمبر 16, 2018 7:42 am